书评 - 晋江文学城

（JJ吞咗我嘅後半截，補翻~点解总系评论唔上咖？？）
第三個人，點都要講講綠藻頭zoro了。其實我對zoro的感情，佩服敬意多過愛意。呢個男人，就如同貓大講嘅，總系戰鬥中受傷最重嘅一個。其實好多次，佢明明可以避免被傷害，但總會因為‘不可躲開’嘅理由，而隔硬嚟應戰。Vs Mihawk時系咁，喺加亞島陪luffy挨打時系咁，vs BartholemewKuma時亦系咁。佢挨打受傷幾乎成咗常態，好似如果某此戰鬥佢冇受到傷，咁果次戰鬥必然唔算激烈。尾田把呢樣一個角色放喺男主角luffy身邊，唔通用意就系讓佢為luffy擋刀槍？不過無論點講，zoro都默默承受咗落嚟，就算挨打到半條命，佢都從來唔會講一句‘好痛啊，唔玩了’。呵呵，就系呢一點，就已經足以讓我對佢佩服到五體投地啦。Zoro呢個人呢，系粗中有細，好多時候作為劍士嘅佢會比人一種‘大老粗’嘅感覺=_,=,但認真睇劇情就會發現，呢個男人嘅心好細，而且非常有原則。其實luffy應該覺得好幸運先啱，佢可以遇到zoro咁樣一個夥伴，一個對佢忠心而有實力把佢推上海賊王寶座嘅男人。很多情況下，船長未必能做出最正確嘅選擇，呢個時候就需要身邊輔佐佢嘅夥伴出聲引導或制止。Luffy身邊有zoro、nami、robbin，呢三個人幾乎可以稱謂草帽海賊團嘅智囊團，就系因為有佢地，luffy先至可以一往無前，無後顧之憂，而又勢如破竹。身處于王側嘅男人——Roronoa Zoro，系任何草帽海賊團嘅敵人都無法忽視嘅男人。
呢個咁樣嘅男人，會擁有一個怎麼樣嘅愛情，其實真系好難去猜測。官配就有索娜、索賓，甚至有索香、索路。佢好似配邊個都唔失禮，但配邊個都好似差咗DD乜嘢東西嘅感覺。好難形容我聽到呢個男人要拍拖時嘅震驚感覺，其實我內心好多時候覺得佢應該喺一個獨身者，佢應該全心全意嘅關注手上嘅刀，而唔系風花雪月。可能正因為呢種先入為主嘅觀點，我無法把佢當成一個‘有正常生理需求嘅’男人來看待=_,=,真系唔好意思啦，貓大寫咗咁多zoro與桃子嘅JQ，我始終覺得最適合桃子嘅男人系kidd,而唔系貓大你最中意嘅zoro。當然我咁講，系單單從人物性格去分析，貓大你所寫嘅劇情非常精彩，如果個男人換成另一個，或者我都會支持佢與桃子嘅。但系zoro個話…….都系算啦！
————
第四個人，我想講講阿鷹叔啊。我對呢個男人系從原著佢一出場開始，就中意到宜家。呢個男人簡直就系按照我夢中情人打造嘅一樣。雖然系大叔，但系英俊瀟灑玉樹臨風風流倜儻優雅高貴，無論把乜嘢美好嘅形容詞放到佢身上，似乎都為過。喺貓大筆下，呢個男人嘅閃光點以N次方嘅速度無限擴大，直至照亮整個宇宙——佢唔單止系天下第一嘅大劍豪，而且盡然又系一個居家多功能好男人。雖然冷口冷面，但系外冷內熱傲嬌得恰到好處。穿著上暗花花哩碌，但系品味一流而且似乎系一個奢侈品愛好者？就算身手了得，但從來都唔系一個牙擦擦嘅人，反而對有可能後來居上者十分照顧。Zoro、Perona、桃子能夠遇到佢，其實都可以將系有可能可以扭轉人生軌跡嘅一件事嚟噶。雖然宜家嘅劇情系鷹叔對zoro講大道理，話劍士嘅夥伴只有刀，有番DD要‘棒打鴛鴦’嘅意思。但系我惗，佢咁樣做總系有佢嘅道理嘅。如果一個劍士過多關注于刀以外嘅事情，也許真嘅會對自己嘅實力進步有所影響。無論鷹叔講呢D野到底系為咗乜嘢，又會造成乜嘢後果，我惗佢都系真心真意嘅為zoro著想嘅，佢系基於佢嘅人生閱歷，毫無保留嘅提醒後輩。之後嘅路到底要點去行，當然只有當事人去選擇，但系鷹叔咁樣做都算已經盡到一個前輩嘅責任了。從呢個角度去睇鷹叔，又會發現呢個男人身上唔似人地咁，有咁多油嘴滑舌，有咁多市井計較，佢雖然清冷，但待人夠真誠！佢做嘅野，唔系事必要佢去做，但佢依然去做了，只因為咁樣做會對佢徒弟（zoro應該算了掛）比較好。我惗日後就算桃子知道zoro嘅疏遠就系因為鷹叔嘅一句話，桃子應該都唔會太過責怪佢。佢嘅用心良苦，大家其實都睇得到噶。
從我啰啰嗦嗦分析人物嚟睇，其實我想講嘅野好簡單好簡單，就系贊贊貓大你塑造人物功力了得。原著人物無OOC，原創人物性格豐滿。有呢幾個人撐住劇情，我惗，劇情點都唔會無聊得去邊噶。
好，講完人物，我要講講呢篇文章嘅愛情觀。希望我可以對貓大你洗洗腦，把你洗成紅毛黨！XD
「愛情觀」
從桃子嘅旅程嚟睇，桃子與zoro一同經歷嘅事情要比佢與kidd一齊嘅事情多得多。但系我惗，兩個男仔喜歡桃子嘅程度系不分上下嘅。桃子與zoro，更多系似一種默契夥伴嘅關係，然後慢慢、慢慢嘅積累量變，最後發生化學反應，嘣嘅一聲，友誼質變成了愛情。而桃子與kidd呢，則比較似一種男人與女人嘅相處，雖然兩人宜家嘅關係系船長與船員嘅關係，但系佢地俾我嘅感覺，卻比桃子與zoro更加似‘等待愛情來臨’嘅狀態，仿佛隨時都有可能碰撞出令人驚喜嘅火花。我惗呢個應該就系點解呢篇文，kidd fans要多過zoro fans嘅原因。看小說嘅女孩，總是愛幻想，比起細水長流，更愛轟轟烈烈。
兩條線嘅故事都十分精彩，無論丟低任何一邊，系我睇来都系一種遺憾。我惗，呢個就系點解，貓大想寫雙結局掛。故事從桃子嘅穿越開始，好冇道理嘅穿越了，而且竟然僅系送貨上門嘅方式直達zoro屋，之後兩個人就吵吵簟爵[嘅出咗海。出海嘅途中遇到嘅事情都幾有教育意義嘅感覺，桃子同zoro一齊打海賊，尋寶，解開路人（指啊莫桑大叔、福娃等人）心結，護送王子回宮，兩個人都各自獲得咗不少嘅收穫。例如桃子慢慢從一個不諳世事又精於猜測人心嘅富家女仔變成性格柔和咗好多嘅海賊獵人，而zoro從戰鬥中都悟出咗唔少道理。可能正因為出海對兩個人嚟講都系一件全新嘅事情，兩個人都把好大一部份注意力放喺思考自己嘅過去與未來上，而忽視咗近在咫尺嘅彼此。喺呢個時候，兩個人對對方，其實都只系當成好好嘅拍檔嚟睇，而冇惗過‘佢，系我中意嘅人’。然後貓大神來之筆一摗浚易又苯邮й櫍侣洳幻鳎舻缀翢o頭緒嘅zoro。兩個人分開啦，呢個時候佢地先至開始把注意力放番到對方身上。身處東海嘅Zoro一心念著要搵翻桃子，而穿越到南海嘅桃子亦積極嘅努力要與zoro重逢。我惗，愛情，就系從呢個時候一點一點嘅蔓延、擴散，直到最後宣洩出口。
其實如果故事僅僅系咁樣，我惗我唔會咁愛呢篇文同埋咁愛貓大你。我真正把呢篇文當成‘一發現更新我就要立即去睇’嘅文時，系從kidd對桃子講出‘只要想救你，總會有辦法’嘅果一刻開始。我發現自己唔知從咩時候開始已經慢慢變換咗陣營，變成咗一個徹頭徹尾嘅kidd fan。其實都有覺得好奇怪，果個男人有咩好啊，生得唔夠zoro靚仔，就得個身高同詭異嘅審美，而且殺人不眨眼，犯罪時候理直氣壯，都三觀不正噶。但系世事就系咁奇妙啦=_,=明明講得出關於呢個人嘅一堆缺點，偏偏我最like佢。冇計噶，中意就系中意啰，我就欣賞佢對桃子一往情深，雖然咁講有DD肉麻，但系的確系事實。無啦啦對女主角好嘅男二號喺晉江文里數不勝數，但系能夠打動我嘅寥寥無幾。呢篇文中嘅Kidd算系其中一個。我講唔清到底喺中意佢邊一方面，亦好難解釋點解我會中意咁樣一個人，我唯一可以確定嘅，就系，我中意呢個男人！中意佢！好中意佢！
我中意桃子，所以我希望佢呢個鬼五马六嘅女仔可以得到幸福。我中意kidd，所以我真心求貓大俾佢一個美好嘅結局。至於zoro…….佢就…..求其啦！
其實關注呢篇文都有一段時間喇，好多時候想講D自己嘅睇法，奈何網絡唔掂，睇文都抽下抽下咁，更唔好講評論。所以，宜家先至蒲頭，貓大唔好怪我窩！
呢篇文章可以俾我稱之為‘最偉大’，原因喺佢唔單止有細膩嘅愛情，而仲有十分考究且宏大嘅世界觀。於是，等我嚟好好傾傾呢篇文章嘅世界觀啦！
「世界觀」
其實原著本身就系一個有著宏大到讓人驚歎嘅世界觀嘅故事，所以喺我睇來，想要寫好呢一類型嘅同人，本身就已經比其他類同人更加easy。作者尾田大人已經塑造咗一個處處充滿傳奇嘅世界，同人作者只需要立足於呢個舞臺，在其他方面好好發揮自己嘅想像力就OK喇。好多OP同人都系咁樣噶，跟著luffy佢地一路行，走馬觀花嘅經歷原著劇情，然後偶爾同原著里嘅靚仔調調情，最後happy ending，一個故事就落幕啦。我作為讀者來講，睇咗咁多年小說，多少都對呢D小說嘅劇情有番少少熟悉感，有時唔使作者寫出嚟，我都知道下一步原創嘅女主角要去做D咩啦。其實咁樣嘅同人無大崩大險，但往往會俾我一種‘作者真系識偷懶噶啫’嘅惗法。當我對劇情嘅發展越能夠猜中，咁樣嘅一篇文對我嘅吸引力亦越來越變談。回返到貓大呢篇<海賊王之我有公主病>中，我想俾出嘅評價系——劇情好難猜啊！我試過去猜，但奈何幻想平庸，點都追唔上作者嘅思路，次次睇到新章節，我都有種‘哦！原來系咁！’完全出乎意料，但系惗惗又講得通窩，次次都有驚喜。
而呢篇文唔單單系細節上面經常出人意料，喺總體上都俾我一種十分符合原著嘅感覺。貓大就好似尾田大人嘅助手，把尾田大人懶得畫出來嘅內容，喺自己嘅小說中寫咗出嚟。Kidd外號嘅由來、kidd性格與佢同船員相處模式、海軍與CP9嘅陰謀、鷹叔居家生活狀態…..無bug，無生搬硬套，宛如天成(亂用成語…)，總言之令人驚歎不止！睇呢篇文章，就好似從另一個從來冇人介紹過嘅角度去瞭解原著，去瞭解果個世界。每每都會讓人拍案叫絕，然後對尾田、對貓大都又多咗一份敬佩。貓大好細心，從蛛絲馬跡中就能睇到好多東西，果D劇情雖然我亦都有睇，但系偏偏貓大講嘅猜測，我從來都冇認真惗過。講到尾，就系貓大系一個勤奮而強大嘅人，而我系粗心嘅凡夫俗子XD跟著貓大嘅腳步，一點點解開原著神秘面紗嘅感覺，好似撿到寶吖XD
好高興可以喺我睇海賊王嘅開始就睇到呢篇文，一邊睇原著，一邊睇呢篇文嘅感覺好開心吖！其實我都唔知道自己講咗D乜嘢，其實想講嘅野仲有好多好多，宜家大腦吃頓，惗唔起身喇，咁就寫到呢度啦。最後，希望貓大能夠堅持寫作，越寫越好！我撐你噶！
並唔系唔識得講普通話，而系我系廣東人，我寫感想都系比較中意用呢種思維去講述，所以…..得閒我再整理出普通話版嘅長評喇。
希望貓大睇得明白=_,=

首页>我的晋江> 《海贼王之我有公主病》 第106章

首页>我的晋江> 《海贼王之我有公主病》第106章