《吃蒸鱼》铁印苔

8、他留下的一封信

　　他留下的一封信
　　系列文 粤语 ooc

　　阿孝：

　　係咪惊讶仲有一封信畀你？我諗而家你肯定鼻湿湿眼红红，唔好喊啦，我唔在，冇人帮你擦泪。

　　係我唔啱，未能陪住你。

　　係喇，出来行，预早要还。我知你唔想听，但我仲要讲啊，乖女。
　　我都有啲后悔，冇教你更多嘢，但我又唔忍心咁对你。我嘅倪太只要开心就得。

　　太平山嘅屋早就写咗你嘅名。嗰晚你喺山顶睇夜景时几开心几靚，冇忍住，就买咗。但我諗你应该唔会再去了。

　　乖女，其实我永远都记得，你头次碰见我，笑眯眯喊我倪生嘅样。对唔住啊，一直都冇同你讲，我好中意你。

　　我以为我哋仲有大把时间。

　　乖女，以后你要自己记得带锁匙，冰箱里嘅糖水都要自己买啦。鲜花我叫咗人每个礼拜送到门口，可能玫瑰多啲，你唔要嫌，係我嘅心意。

　　仲有啊，唔准偷偷饮酒，唔好让我担心啊乖女。如果你之后有咗中意嘅人，唔要话畀我知，唔准畀佢着绿衫，戴眼镜…
　　算了…

　　乖女，你得唔得只中意我一个啊？
　　对唔住，係我太坏，要你挂住我一世。

　　家姐总话你对我太好，咁，你应承我吧。
　　做足一世嘅倪太。

　　写完呢封信，我要拉你起身去吹维港夜风。
　　再多睇下香港。
　　再多睇下你。

　　爱你倪太
　　同我跟东方之珠讲再会

　　—————-

　　他留下的一封信
　　系列文 粤语 ooc

　　其实猜叔只是出门留下一张便条
　　应该是整个系列里为数不多的HE

　　猜：

　　又瞓到晏昼先起身，着拖鞋啊，唔准又畀我见到你赤脚走嚟走去。

　　闷都唔好去喂孔雀啦，再喂就饱死?。去喂鱼啦，鱼死咗我再买过。

　　讲咗三边坡嘅蚊几多又毒，早啲收埋你啲短裙热裤，咬亲你都唔准嚟冲我撒娇，瞓咗都要被你喊醒帮你搽药膏。唔准偷偷话横掂我瞓得少。

　　仲有啊，你昨晚唔瞓係咪又玩我嘅胡须？咁中意做咩又嫌胡须扎？坏女。

　　留咗饭畀你，快啲去刷牙洗面，都係你嗌嘅餸，但唔准食得太饱。

　　我就快返嚟。

　　“出趟门使唔使写咁多啊？”
　　“想你挂住我。”
　　“胡须扎。”
　　“忍住，你唔係好中意咩。”

　　—————-

　　他留下的一封信
　　系列文 粤语 ooc

　　靚坤：

　　做咩啊阿妹，叫我写封信畀你，你搞得好似遗书咁，唔好吧，大吉大利啊。

　　知你係担心我，做我条女係咁嘅，但你唔好自己吓自己啊。晚黑你瞓唔好我都瞓唔好。

　　冇嘢就陪阿妈打麻雀放松下喇，输钱都算我嘅。

　　如果啊，我係讲如果我真係有咩事，屋企保险箱里留咗钱畀你同阿妈，密码你一定猜得到。早啲拿钱逃，逃远啲，你两个又斗唔过嗰帮衰佬。

　　阿妈年纪大咗，佢唔想走就唔走。
　　你唔想走就帮我烧多啲银纸钱，我保佑你哋两个逢赌必赢。

　　不过諗呢啲不如把握当下喇，过两日阿妈过寿，你记得改口啊，佢想饮嗰杯新抱茶好耐喇，记得着靚啲，但你唔须打扮都几靓啊，有冇开心啲。

　　得啦，我要去做嘢啦，冇諗咁多，等我返嚟亲晒你。

　　（靓坤死于几天后阿妈的大寿）

　　——————-

　　他留下的一封信
　　系列文 粤语 ooc

　　阿泰：

　　生死有命。
　　你睇到呢封信就证明我死咗。

　　放心，走时唔会孤单，有帮兄弟一齐。但我等唔到你咁耐喇，个帮衰人冇几个有老婆，佢哋会妒忌我啊。

　　Sorry啊，仲想赚够钱同你玩乐饮酒晒太阳，而家冇可能喇。
　　但你仲可以，我留低黄金畀你，唔多，啱啱够你过一世。

　　自己要活得开心啲。

　　我仲识到个新朋友，佢讲一吨黄金有二千二百磅。
　　肥波问咁一吨嘅爱有几重啊？
　　我諗肯定要比黄金重多啲。

　　我畀你嘅唔单黄金，仲有爱。
　　畀晒你一吨嘅爱，有啲重，但唔准还。

　　要你带返啲爱来揾我。
　　黄金有限，爱唔止。冇喊，挂住我。

　　阿泰澳门
　　———-

　　他留下的一封信
　　系列文 粤语 ooc

　　伍sir：

　　出任务前总要写封信畀你，次次都算平安，希望呢次也都係。

　　今日我戴咗你挑嘅领带，佢哋个个都夸你品味好，係啊，有咁好嘅品味同眼光才能选中我喇。

　　咩时休息啊，想同你去西贡玩，顺便再睇下嗰边嘅屋点样，搬到海边你係咪更开心啊。

　　但係记得陪我去睇下医生先，我而家睇监控戴咗眼镜都觉得唔係很清楚。
　　我记得我嘅白发明明係染成咁?，难道真係老咗？

　　算了…
　　幸好你几中意我白发嘅样，老亦唔惊。
　　跟你一齐慢慢变老都几好。
　　不如你几时都染个白发畀我睇下先？

　　最近呢单case有啲麻烦，但你唔要担心。
　　自己好好食饭，晚黑我肯定会返嚟陪你一齐瞓。

　　吻你
　　Ronald